HM: “Ang taong mapaglamang sa kap’wa’y, di’ mabuting gawa; walang mararating na dakila ano man tayog ng adhika. (011185)”

Isa po ang sutrang ito ay isa rin sa may tuwirang pagsasalarawan kung ano ang pinuno ng samahang “Ang Kanyang Kamahalan (His Majesty – Ham Mahatmya)” punong-puno ng katusuhan at panlalamang sa kanyang kapwa lalo na sa mga maralitang miyembro niya na sa halip na tulungan niya sa paghihirap lalo pa niyang dinaragdagan ang paghihirap. Bawat isa ay inoobliga niya na magbigay sa kanya kung maari nga ay ang ikasampung bahagi ng kita o 10%, sa pananim naman ay ganun din, at kapag hindi napagbigyan magbibitaw ng salita na konti na ang maani sa mga susunod.

“Guru are as numerous as lamps in every house. But, O Goddess, difficult to find is a GURU who lights up everything like the sun. Guru’s who rob their disciples of their wealth are numerous. But, O Goddess, difficult to find is a GURU who removes his disciples suffering. [Kula-Arnava Tantra]”

Binabanggit sa Kula-Arnava Tantra na maraming Guru na nabibigyan ng liwanag ang bawat tahanan, subalit mahirap makatagpo ng Guru na kayang tanglawan ang lahat na katulad ng araw, ang mga Guru na kinukuha ang pag-aari ng kanyang disipulo ay marami, subalit mahirap makatagpo ng Guru na inaalis ang paghihirap ng kanyang tagasunod.

HM: Kung ano ang iyong gawa, siya mong kamukha. – 022488

Walang mararating na DAKILA ano mang TAYOG ng ADHIKA, sa sobrang tayog ng kanyang adhikain na makapangloko inihahalintulad niya ang kanyang sarili sa DIYOS na may likha maging sa mga dakilang personalidad at intidad katulad nila; Sada Shiva, Bhairava, Veda Vyasa, Thoth Anubis, Hermes Trismegistus, Siegfred Odin, Jesus Christ at maging si Ba’ba (PRS). Ginagamit niya rin ng may pagmamataas ang pilosopiya ng Ananda Marga na para bang siya ang may akda na inaakala naman ng mga miyembro niya na puspos siya ng KARUNUNGAN.

HM: “Ang ’di umaamin ng kasalanan, iyon ang kanyang pamamalagian at pananahanan bilang kaparusahan. – 081096 “

“Ang sutra na ito na kanyang katha ay tunay na nararanasan niya, dahil sa mga kasalanang hindi niya maamin ng tuwiran sariling konsensya niya ang kanyang kalaban at ito na rin ang nasisilbing kaparusahan sa kanya, bakit? Ang taong alam ang kanyang KASALANAN ay hindi nagkakaroon ng katahimikan hangga’t hindi niya nakakamit ang kapatawaran ng taong kanyang napagkasalaan, may sapat bang basehan ang sinasabi kong ito? Meron po, dahil ang taong ito hingi ng hingi ng tawad sa aking kaibigan(through text) na nagawan niya ng matinding kasalanan ng labis labis na pang-aabuso, kaya ang taong ito ay walang katahimikan.

HM: Paagusin mo man ang ga-bundok na luha kung hindi nakalilinis sa iyong nagawa; anong kuwenta’t halaga ng ipinatulong luha. – 021388

THOUSAND SUTRAS

SPIRITUAL SPLENDOR

062084

by: Hari Om Milan

“Are you Physically, Socially, Psychically and Spiritually clean?

[The main QUESTION, are you?]

HM: If so... then you may enter in the His Majesty, thousand sutras spiritual splendor.”

Itong Ispiritual na Karunungan at kawikaan, ay dapat unawain saka pag-isipang mainam at talinhagang tunay.

“Nararapat na unawain at pag-isipang mainam ang totoong talinhagang dito’y napapaloob, sapagkat kung susuriin ang mismong may akda ay hindi niya inakala na sa kanyang sariling gawa lahat sa kanya at tatama.”

HM: May mga taong sa minsan pagkabasa nitong Ispiritual na Kawikaan, ay kaagad na humahatol para sa karunungang maka-lupa. Sila yaong mga taong nagmamagaling sa Maylikha, at ibig pang sumbatan ang Kataastaasan.

“Makikita nating tuwiran na ang mismong may gawa ng mga sutrang ito ang siya mismong nagmamagaling sa Maylikha (Parama Purusa), ang mga salitang kabanalan ay ginagamit sa sariling kapakinabangan.”

HM: Kahit na ito’y nasusulat na hinalintulad sa materyal na kaparaanan, ang kahulugan nito’y Mahiwaga na hindi maaaruk ng inyong sariling diwa. Kaya h’wag kayong maging padalos-dalos, at ang kahulogan nito ay mas malalim pa sa inyong inakala. Sapagkat ito’y may ispiriual na kaugnayan sa inyong ‘supreme self’.

“Mismong may akda hindi naarok ng kanyang sariling diwa ang HIWAGA ng mga sinulat niyang kung saan-saan niya kinopya, sinalin lang sa tagalog inari ng kanya.”

HM: Kaya kung ang bagay na ito’y ihahambing sa materyal na kahulogan, hindi pa ito ang tunay; bagkos ay sa malalim at ispiritual na kaparaanan. Upang lumusong pa kayo sa higit na mas malalim kaysa sa dating kalagayan at antas ng inyong diwa.

“Hindi na kailangan pang ihambing sa kung saan-saan o dapat pang lumalim sa nais ipakahulugan, makikita mismo ang kasagutan sa gawa at kaisipan ng may gawa.”

HM: “Ang Takot ay kasangkapan ng karimlan; para papaghinain ang loob at katawan ng taong Ispiritual. (042996)”

HM-022989

(WOLF in SHEEP clothing)

“Misyon (mission) laging bukambibig ng nagpapanggap na guru, animo’y maamong tupa subalit kapag nahulog ka sa hain nyang patibong agad ka niyang sisiliain sa sarili niyang kapakinabangan, ayon sa kanyang sinulat na sutra “May mga taong nagsusuot ng kabanalan, at nag-aanyong matikas ang katawan. Ngunit sa katotohanan, kalawangin at burak ang kalooban. (061284)” makikita po nating tugma at akmang-akma sa kanya ang sarili niyang salita. Ang pangunahin niyang misyon ay mapaniwala ang mga tao at mas paborito niya ang mga kabataang may mura at sariwang kaisipan na sa kaunti niyang pambobola at pagpapakikita ng kung ano-anong bagay ay agad na nahuhulog sa pangil ng kanyang patibong at naisasakatuparan niya ang kanyang maitim na balak.

“Dala ng His Majesty, ay KATAHIMIKAN, hindi kaguluhan o MAKA-MUNDONG kasiyahan; kundi ispiritual na kaluwalhatian. Bakit tayo makikihalubilo sa temporal na kaparaanan?"

HM-010197 W

"Kung ang isip ay laging sa ikasasama ng kapwa; wala kang mapapala sa ispiritual na adhika."

HM-031090

Katahimikan (peace) ay tuwirang tumutukoy sa kalayaan sa anumang kaguluhan pisikal man o maging sa kaisipan, subalit nakamit ba ng mga taong napapaloob sa samahang ito ang katahimikang binabanggit? Mas tama po na nanahimik sila dahil sa turong may kasamang pananakot na ang sinomang lumabag sa kanya ay may katapat na SUMPA at magkakaroon ng ibat-ibang kamalasan sa buhay. Maka-mundong kasiyahan, simula’t sapol puno ng kamunduhan ang pinuno ng samahang nabanggit, bakit? Sa dahilang halos lahat ng kababaihan o kalalakihan man ay kanyang minomolestya, tinatawag nga siya ng iba na “double blade”. Mag-ingat po sa taong ito na puno ng kamunduhan ang isip. Ispiritual na kaluwalhatian? Mas nangyari sa kanya ang makamundong luwalhati.Temporal na kaparaanan, ang lahat ng pagpapanggap niya ay TEMPORAL lamang ito na po ang tamang oras ng PAGHAHAYAG.

Check for other Fake Guru's/Swami's: http://www.harekrsna.org/guru-photos.htm